Accessere (nefas) tenebris fallacibus acti
Tyndaridae in sese: Castor prius ibat in ictus
[p. 62]
nescius; ast illos nova lux subitusque diremit
frontis apex. tum Castor Ityn, qua caerulus ambit
190balteus et gemini committunt ora dracones,
frater Hagen Thapsumque securigerumque Nealcen1
transigit et Canthi pallentem vulnere Cydrum.
torserat hic totis conisus viribus hastam
venatori Erymo, brevis hanc sed fata2 ferentem
195prodidit et piceo comitem miserata refulsit
Luna polo; cessere iubae, raptumque per auras
vulnus, et extrema sonuit cita cuspide cassis.3
Nisaeum Telamon et Ophelten vana sonantem
per clipei cedentis opus cratemque4 trilicem,
200qua stomachi secreta, ferit laetusque profatur:
'di, precor, hunc regem aut aeque delegerit alta
fors mihi gente satum, magnusque et flebilis urbi
conciderit.' super addit Aren fratremque Melanthum
Phoceaque Oleniden, Lelegum5 qui pulsus ab oris
205regis amicitiam et famuli propioris honores —
qua patiens non arte — tulit. nox alta cadentum
ingentes resonat6 sonitus augetque ruinas:
ut magis Inarime, magis ut mugitor anhelat
Vesvius,7 attonitas acer cum suscitat urbes ...
210sic pugnae crebrescit8 opus; neque enim ignea cedunt
astra loco, lentis9 haeret nox conscia bigis.
Perge age Tartareae mecum semel omnia10 noctis,
Musa, sequi. trepidam Phaethon adflavit ab alto
Tisiphonen, graviorque locos iam luce propinqua
215umbra premit; non signa virum, non funera cernunt,
et rabie magis ora calent. vos prodite,11 divae,
[p. 63]
Eumenidum noctisque globos, vatique patescat
armorum fragor et tepidi singultibus agri
labentum atque acti Minyis per litora manes.
220Cyzicus hic aciem vanis discursibus implet
fata trahens; iam pulsa sibi cessisse Pelasgum
agmina, iam passim vacuos disiecta per agros
credit ovans: tales habitus,12 ea gaudia fingit
ira deum. fundo veluti cum Coeus in imo
225vincla lovis fractoque trahens adamante catenas
Saturnum Tityumque vocat spemque aetheris amens13
concipit, ast ilium fluviis et nocte remensa
Eumenidum canis et sparsae iuba reppulit hydrae.
saevit acerba fremens tardumque a moenibus agmen
230increpitat: 'numquamne dolor virtusque14 subibit
nil ausas sine rege manus? at barbara buxus
si vocet et motis ululantia Dindyma sacris,
tune ensis placeatque furor, modo tela sacerdos
porrigat et iussa sanguis exuberet ulna.'15
235talibus insultans iamdudum numine divae
deficit, infracti languescunt frigore16 cursus,
corda pavent, audit fremitus irasque leonum17
cornuaque et motas videt inter nubila turres.
tune gravis et certo tendens stridore per umbram
240Aesonii venit hasta ducis latumque sub imo
pectore rumpit iter. quam nunc incognita vellet
lustra sibi nullosque datos venatibus annos.
talia magnanimi diverso turbine fundunt
tela18 viri sonitusque pedum suspectaque motu
245explorant; prensant socios vocemque reposcunt.19
quod si tanta lues20 seros durasset in ortus,
exstinctum genus et solas per moenia matres
[p. 64]
vidisset stratamque dies in litore gentem.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 nealce V
2 Venator Hierimo C | fata SM, facta V
3 casside cuspis C
4 cratemque Heinsius, artemque V
5 lelegum M2, legum V
6 resonat Hein- sius, donec V, donat C, duplicat Pius, denset Gronovius
7 Vesuius M2T1, Vesubius V, Vesulus C | ater M2C | post 209 versum excidisse credas talis fere sententiae noctibus, et resonat geminatis ictibus incus,
8 crudescit C
9 lentisque Schenkl
10 semel omnia: cf. Luc. II 147 et III 296
11 vos prodite Bon.2, prosprodite V
12 habitus (ἕξεις) T, Heinsius, auditus V
13 amens M2, amans V
14 nunquamne SM, numque ne V | virtusque Heinsius, uirtute V
15 iussa sanguis e. ulna Grotius, cf. 20 et Luc. III 664, iustas anguiis e. urna V
16 frigore M, frore V
17 lonum V
18 Tela SM, Tala V
19 resposcunt V
20 Quod M, Quo V | lues Heinsius, iouis VC
C. Valerius Flaccus. Otto Kramer. C. Valeri Flacci Setini Balbi Argonauticon Libri Octo. Leipzig. Teubner. 1913.
The Annenberg CPB/Project provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.